दरम्यान एम्पथी फाउंडेशन ही  स्वयंसेवी  संस्था माहित होती. एमब फाउंडेशनचे मुख्य कार्यकारी अधिकारी एम. आर. सुंदरश्वन यांचा कल्पकतेतून तसेंच दिवंगत शांतीलाल छेडा यांच्या पुढाकारातून अनेक शाळांच्या इमारती बांधल्या गेल्या याची माहिती मला माहित होती. मी एम्पथी फाउंडेशनच्या पदाधिकार्याशी संपर्क साधला. मलकापूरच्या शाळेतील एका खोलीचे निर्लेखन करून खोली बांधकामाचा प्रस्ताव पाठवला. संस्थेचे पदाधिकारी शाळेचे सर्व्हेक्षण करण्यासाठी आले तेव्हा एक मोठी अडचण समोर आली. शाळेच्या खुल्या जागेमध्ये दोन विद्युत खांब होते त्यांपैकी एका पोलची अडचण निर्माण झाली.विद्युत खांब असल्याने बांधकाम करता येणार नाही असे त्यानी सांगितले. विद्युत खांब हटविणे आवश्यक होते.आम्ही महावितरणकडे अर्ज सादर केला. त्यांच्याकडून उतार आले पण ते निराश करणारे होते.सद्या आर्थिक तरतूद नसल्याने खांब हटवता येणार नाही.या कामासाठी दोन वर्ष लागू शकतो. असे आम्हाला सांगण्यात आले पण इतके दिवस वाट पाहणे शक्य नव्हते.काहीतरी मध्यमार्ग काढणे आवश्यक होते.पुन्हा चौकशी केली तुमची खर्च करण्याची तयारी असेल तर , आम्ही कंत्राटदार पुरवतो, असे महावितरणच्या कार्यालयाकडून  सांगण्यात आले, मार्ग सापडला होत.त्यासाठी दहा हजार रुपये खर्च येणार होता. मी व हिंगमिरे मँडम आम्ही खर्च करण्याची तयारी दर्शवली  आणि विद्युत खांब हटविले शाळेमध्ये वीज पुरवठा उपलब्ध करून घेण्यासाठी तीन हजार पाचशे रुपये खर्च आला. त्यासाठी आम्हाला लोक वर्गणी करावी लागली. नंतर एम्पथी फाउंडेशनकडे प्रस्ताव पाठविला. तो मंजूर झाला जानेवारी २०१९ मध्ये शाळा इमारतीच्या बांधकामाला सुरवात झाली आणि नोव्हेंबर २०१९ मध्ये उद्धाटनाचा दिवस उजाडला.२८ नोव्हेंबर २०१९ रोजी तत्कालीन गटविकास अधिकारी विकास मीना ( भा.प्र.से.) यांच्या हस्ते शाळेच्या नवीन इमारतीचे उद्धाटन पार पडले. प्रमुख पाहुणे म्हणून दिनेश झोरे, आकाश रेवस्कर, गटशिक्षणाधिकारी संदीप बोडखे, विस्तार अधिकारी गंगाधर मोहने अधिक्षक अश्विन मानकर, मोतीलाल दहीकर केंद्र प्रमुख अनिल धांडेकर आदी मान्यवर या कार्यक्रमाला आवर्जून हजर होते.